Value of Women in Islam

اسلام میں عورت کا مقام اور پردہ (حجاب)

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

یہ پوسٹ ایک غیر مسلم خاتون کے حجاب پر اعتراض کے جواب میں کی جا رہی ہے جو اس غلط فہمی کا شکار ہیں کہ اسلام میں عورت کو پردہ کروانا غلط ہے اور عورتوں کو پردہ کرنے پر مجبور کیا جاتا ہے، یہ صرف اس خاتون کی نہیں اور بھی کئی 

غیر مسلم لوگوں کو بھی ایسی نام نہاد پریشانی ہے :)

نجانے کیوں حجاب کے حوالے سے غیر مسلم لوگوں میں عجیب قسم کی غلط فہمی پائی جاتی ہے کہ جیسے اسلام میں عورت پر سختی کی جاتی ہے پردہ کے لئے 

ان جاہل لوگوں کے لئے دماغ میں یہ سوال ابھرتا ہے کہ جب ہم لوگوں کو تمہاری عورتوں کے چھوٹے چھوٹے کپڑوں میں، نیم عریاں حالت میں گھومنے سے کوئی غرض نہیں تو تم کو کیا تکلیف ہے ہمارے پردے سے؟

سچائی تو یہ ہے کہ درحقیقت یہ وہ لوگ ہوتے ہیں جو اپنی ذات کی نفی کر رہے ہوتے ہیں ، اپنی عورتوں کو آزادی کے نام پر عریاں کرنے والے ایسے مرد بےغیرت ہوتے ہیں!!!

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

میرا حجاب میرا پردہ میرا وقار ہے ، عزت ہے ، حفاظت ہے اور میں ایسی عورت نظر آنا پسند کروں گی جس پر نظر پڑتے ہی آنکھیں احترام سے جھک جائیں اور دل میں عزت احترام پیدا ہو ! 

زید ابن طلحہ (رضی الله عنہ) نے نبی(صلى الله عليه واله وسلم) سے روایت کیا کے آپ نے فرمایا.. 

ہر دین کا ایک قدرتی کردار ہوتا ہے اور اسلام کا کردار شرم و حیا ہے.

[الموتا : 47,9 ]

عورت کے لفظی معانی ہی پردے کے ہیں ، 

حجاب خاص طور پر الله کی رضا حاصل کرنے کے لئے پہنا جاتا ہے اور معاشرے میں بھی اس عورت کو عزت اور احترام کی نذر سے دیکھا جاتا ہے جو پردہ کرتی ہے 

جو لوگ پردے کے حوالے سے اسلام پر تنقید کرتے ہیں ان کو شاید یہ نہیں پتا کہ اسلام نے 1400 سال پہلے عورت کو اس دور میں عزت و احترام اور مرد کے ساتھ برابری بخشی جب ساری دنیا میں عورت کو حقیر سمجھا جاتا تھا ،

* اسلام نے عورت کو جینے کا صحیح حق دیا *

* مرد کے کے ساتھ برابری بخشی *

* تعلیم حاصل کرنے کا حق دیا *

* ان کو جائداد کا مالک ہونے کا حق دیا *

* وراثت میں حصہ دیا *

* زبردستی کی شادی سے روکا *

* بیوہ کو دوبارہ شادی کا حق دیا *

* اسلامی ، سیاسی اور معاشرتی حالات پر بات کرنے کا حق دیا (اس کی سب سے بڑی مثال بی بی حضرت عائشہ رضی الله تعالیٰ عنہ ہیں جو احادیث بیان کرنے میں دوسرے نمبر پر ہیں اور اس دور میں سب ان سے اسلام کی تعلیم اور سیاست کے بارے میں ان سے مشوره کرتے تھے )*

♥ سب سے بڑھ کر الله نے جنت کو ماں کے قدموں تلے رکھہ دیا 

♥ ماں کے طور پر باپ سے تین گنا زیادہ مقام دیا 

♥ بیٹیوں کو محبت و شفقت سے پالنے والے کو جنت کی بشارت دی 

♥ ان مردوں کو نیک و کار قرار دیا جن کا سلوک اپنی بیویوں کے ساتھ اچھا ہو

اب ذرا آپ اگر تاریخ پر نظر دوڑائیں تو پتا چلے گا کہ اسلام سے پہلے عورت کا معاشرے میں کیا مقام تھا ! ان کے ساتھ غلاموں سے بد تر سلوک کیا جاتا تھا عورتوں کو جینے کا کوئی حق نہیں تھا 

1 ) انڈیا میں عورتوں کے ساتھ غلاموں سے بد تر سلوک کیا جاتا تھا ، بیوہ عورتوں کو " ستی" کی رسم میں مردہ شوہر کی لاش کے ساتھ جلا دیا تھا جاتا تھا اور اگر زندہ رکھتے تو اس کی بھی بھاری قیمت اس بیوہ کو ادا کرنی پڑتی تھی جہاں اس کو گنجا کر دیا جاتا تھا ، ہار سنگھار یا اچھا کھانا پینا سب منع تھا،خاندان کے اکثر مرد ان کو جنسی زیادتی کا نشانہ بھی بناتے تھے ،

آج کے ماڈرن دور میں بھی وہاں بیٹی کو بوجھہ سمجھتے ہیں ، کئی لڑکیوں کو پیدا ہونے سے پہلے ہی مار دیا جاتا ہے ابارشن (abortion) کروا کر !

2 ) مغرب میں جسم فروشی عروج پر تھی ، عورت کو شیطان کا پیروکار سمجھا جاتا تھا جن کا کام مرد ذات کو بہکانا تھا ( ان کا کہنا تھا کے حضرت آدم کو بی بی حوا نے جنت سے نکلوایا تھا ) مرد اس دور میں جتنی چاہیں عورتیں اور بیویاں رکھتے تھے ان سے کوئی سوال نہیں کیا جاتا تھا ،

مغرب میں عورت آج بھی مردوں کے دل بہلانے کا ایک ذریعہ ہے ، عورت کو آزادی کے نام پر جتنا مغربی معاشرے میں گرایا گیا ہے اس کا آپ اندازہ نہیں کر سکتے، شراب کے نشے میں ان کے ساتھ کیا کیا زیادتیاں کی جاتی ہیں سن کر رونگٹے کھڑے ہو جاتے ہیں !

3 ) مصر میں عورت کو ایک جائداد یا مال کی طرح ورثے میں بیٹے کو منتقل ہو جاتی تھی جس میں سگی ماں تک شامل تھی 

4 ) عرب میں بیٹیوں کو زندہ درگور کر دیا جاتا تھا 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

میں الله کریم کی بے حد شکر گزار ہوں کے اس نے مجھے مسلمان پیدا کیا ، مجھے عزت دی ، وقار دیا ، جینے کا مقصد دیا الحمدللہ :)

میرا حجاب میری خوبصورتی ہے ، ظاہری بھی اور باطنی بھی :)

اور میری الله سے دعا ہے کہ 

یاربّ العزّت

ہم سب کو ایک ایسی اچھی بیٹی، بہن، بیوی اور ماں بننے کی توفیق دے 

جس سے تو اور تیرا پیارا حبیب صلي الله عليه وآله وسلم راضی ہوں 

آمین يارب العالمين